العنوسه فى مصر
9 ملايين شاب وفتاة فوق الـ35 عاماً لم يتزوجوا، منهم 5.5 مليون شاب و3.5 مليون فتاة فوق سن الـ 30 ومعدل العنوسة في مصر يمثل 17% من الفتيات اللاتي في عمر الزواج
هذا ما ذكرته احصائيه حكوميه وان كنت لا اثق بالاحصائيات الرسميه ولكن لا يتوفر غيرهاانا اعتقد ان الرقم اكبر .
بينما كنت اعمل فى العريش فى حمله دعايه لقريه سياحيه لاحظت الموضوع ده بشده بسال سيده جميله فى حوالى الاربعين فخاطبتها يامدام قالتلى لا انسه حصل الموضوع ده معايا كتير والله جدا .بنوته جميله وهاديه فضلت تبقى من غير جواز بس متتجوزش واحد جاهل غنى او تتجوز من غير حب .
للاسف مجتمعنابقى مجتمع ظاهرى مبيرحمش
البنت اللى ظروفها الماديه مرتاحه او عيلتها كبيره تتجوز ولو انفصلت تلاقى مليون عريس لكن البنت العاديه الخيارات قدامها محدوده ومنحصره فى مبدأ اللى معاه يشيل .
والاهالى مبترحمش ذن على ودان البنت اللى متجوزتش وتانيبها كان عدم الزواج ده اثم او وصمه عار ولما يتقدملهاواحد بتحبه الاهالى تصعبها عليه وتقول احنا مش هنرمى بناتنا.
ربنا خلقنا ووضع فينا شهوات طبيعيه منها الجنس وكل الكتب السماويه حثت على الجواز لان فيه تفريغ للطاقات المكبوته وفيها سلامه للمجتمع والحفاظ على النسل وحتى فى المجتمعات الغربيه وجدوا بديل عن الزواج فى الصديقه البنت او الصديق الرجل وده طبعا احنا ضده بس لازم نعرف ان قدامنا حليين ملهومش تالت
اما ان نطبق كلام الدين ومن جاءكم من ترضون دينه وخلقه فزوجوه او بمعنى عدم المغالاه فى المهر والمصاريف وجعل الزواج بالمقاسمه او على حسب ما تتطلبه الظروف
او ان نصبح مثل البلاد الاجنبيه وانا ضده لان ده هيخلى الانساب تختلط بس ده حل برضه.
اما اننا بقى كده لا حصلنا اجانب ولا حصلنا مسلمين ده فى حد ذاته بيزيد الامراض النفسيه عند الجنسيين وبيزيد من نسب الانحراف الجنسى والشذوذ والجريمه .
سالت واحد من العريش انت ليه اتجوزت من الشرقيه ومتجوزتش من العريش وده حاجه منتشره قالى ان ده بسبب ان العرايشيه بيغالوا اوى وبيحملوا العريس فوق طاقته فبيشيل كل حاجه من الابره للصاروخ فياجماعه رحمه ببناتنا وبولادنامتخلقوش جيل مريض نفسيا.
حاجه نسيت اقولها ان فيه عند بعض المتعلمات والمتعلمين عنوسه وعذوبيه اختياريه لانهم مالقوش اللى يرضى طموحهم او مالقوش اللى بيدوروا عليه من حب وللاسف بييجى علي بعضهم وقت ويلاقى ان مقدمهوش بديل من الارتباط بانسان مش نص اللى فى خيالهم وبيادى للانفصال برضه.
انا حبيت اوضح فكرى بالعاميه لانها اقرب للقلب
اخوكم فى الانسانيه
عادل عادل
الأربعاء أكتوبر 29, 2008 2:57 pm
