إقتراح لوجبة إفطار الأطفال و الكهول؟
--------------------------------------------------------------------------------
تسأل ام البراء
السلام عليكم ورحمـة الله وبركاتـه
مع كثرة مصادر الأكل المسببة للأمراض و خاصة السرطان صار الواحد منا يحتار ماذا يأكل بالضبط فهل من الممكن يا دكتور ان تقترح علي وجبة صحية لإفطار طفلة في سن الثانية و اخرى للكهولبارك الله فيك وجزاك الله خيرا وحفظك المولى عز وجل
يجيب احمد
الاجابة على دفعات
سؤال رائع هادف اكرمكم الله
احنا عندنا في العالم العربى مشكلة رغيف الفينو او الصامولي صباحا مع اطفال المدارس
ده اذا كان في اصلا اطفال دلوقتى او في مدارس من اساسه او في اطفال بتروح المدارس
والعبد الفقير لله عنده حل بسيط
عدد سكان العالم العربي كم نقول 200 مليون تمام
نقول عدد الاطفال 100 مليون طفل
لو كل طفل رايح المدرسة صباحا اخد 3 ساندوتش صامولي او فينو والاسم الذي (اطلقته على ساندوتش الفينو في مصر عيش الهواء او عقلة الصباع ) لانه لا وزن له ولا قيمة له وحجمه مثل عقلة الاصبع
يعنى 3 ساندوتش وزن الواحد نفترض 50 جرام يعنى الثلاثة 150 جرام
يعنى استهلاك كل طلعة نهار على العالم العربي من خبز الصامولي بس
الاستهلاك اليومى = 150 جرام * 100000000 طالب
===15000000000 جرام =15000000 كيلو جرام=15000 طن دقيق ناعم منخول 72بالمائة
الاستهلاك السنوى = 15000 * 365
5475000 طن سنويا دقيق في الصباح فقط للاطفال
لو فرضا الطن ب3000 جنيه او 2000 ريال سعودي
يكون 5475000 *3000=16425000000 يعنى 16 مليار جنيه
او عشرة ونصف مليار ريال
على رغيف الصباح فقط للعيال الشطار اللي بتروح المدارس في العالم العربي
طيب والمحروسين اللي مش بيروحوا المدارس والكبار ده ممكن يكلوا اكثر من كده اه طبعا
طيب ورغيف الغذاء ورغيف العشاء بلاش نتكلم عليهم
طيب و الحل ايه يا دكتور احمد
سبع تمرات كما اوصى الرسول صلى الله عليه وسلم نضرب بها عدة عصافير بحجر
العصفور الاول : حماية العيال من الحسد والسحر والجن والتسمم بدون قصد والسم اللي بقصد
العصفور التانى سعرات حرارية
العصفور الثالث تغذية صحية
العصفور الرابع تنشيط العقل والدماغ بسرعة علشان الحصة الاولى للعيال الكسلانين
العصفور الخامس توفير العيش والخبز وبالتالي توفير الفلوس للبلاد العربية
العصفورالسادس تشجيع زراعة النخيل وتشغيل شباب الخريجين في زراعة وتعبئة التمور
وفي عصافير كثير لسه
ثانى اكلة صباحا بعد لطلابنا الاعزاء في العالم العربي ومش عاوز حد يقول احنا في جنينة قرود
الفول السودانى قاهر النسيان ومقوى الدماغ ومفتق الاجسام النحيلة
ومدفأ الابدان البردانة ومسلي للطلبة اللي بيدخنوا ومساعد لهم على تركها
ثلاث شيء كوب الحليب الدافيء
رابع شيء لمن لا يشبع من الثلاث السابقين ملعقة عسل نحل
طيب واللي ما يشبع من الاربع حاجات دي تبقى امه تعمل له سد الحنك
من الاربع اشياء سابفة نكون وجبة افطار موحدة للفقير والغنى في العالم العربي كله
حماية للاطفال من السرطان ومن السحر ومن الانيميا ومن الغباء ونحمى الكبار قوى من مصاريف الدقيق اللي جاي مسرطن من امريكا
نكمل في الحلقة القادمة
الخميس أكتوبر 09, 2008 8:05 pm
